Patiṟṟup pattu

((Originally extracted from master file ^PATIRRU.OCP))
((Last updated on 2004 April 14th))

• {PATI 22-1} ciṉaṉ ē kāmam kaḻi kaṇṇōṭṭam
• {PATI 22-2} accam poy col aṉpu mika uṭaimai
• {PATI 22-3} teṟal kaṭumaiyoṭu piṟa um i ulakattu
• {PATI 22-4} aṟam teri tikirikku vaḻiyaṭai ākum
• {PATI 22-5} tītu cēṇ ikantu naṉṟu mika purintu
• {PATI 22-6} kaṭal um kāṉam um pala payam utava
• {PATI 22-7} piṟar piṟar naliyātu vēṟṟu poruḷ veḵkātu
• {PATI 22-8} mai il aṟiviṉar cevvitiṉ naṭantu tam
• {PATI 22-9} amar tuṇai piriyātu pāttu uṇṭu mākkaḷ
• {PATI 22-10} mūtta yākkaiyoṭu piṇi iṉṟu kaḻiya
• {PATI 22-11} ūḻi uytta uravōr umpal
• {PATI 22-12} poṉ cey kaṇicci tiṇ piṇi uṭaittu
• {PATI 22-13} ciraṟu cila ūṟiya nīr vāy pattal
• {PATI 22-14} kayiṟu kuṟu mukavai mūyiṉa moykkum
• {PATI 22-15} ā keḻu koṅkar nāṭu akappaṭutta
• {PATI 22-16} vēl keḻu tāṉai veruvaru tōṉṟal
• {PATI 22-17} uḷai polinta mā
• {PATI 22-18} iḻai polinta kaḷiṟu
• {PATI 22-19} vampu paranta tēr
• {PATI 22-20} amarkku etirnta pukal maṟavaroṭu
• {PATI 22-21} tuñcumaram tuvaṉṟiya malar akal paṟantalai
• {PATI 22-22} ōṅku nilai vāyil tūṅkupu takaitta
• {PATI 22-23} vil vicai māṭṭiya viḻu cīr aiyavi
• {PATI 22-24} kaṭi miḷai kuṇṭu kiṭaṅkiṉ
• {PATI 22-25} neṭu matil nirai pataṇattu
• {PATI 22-26} aṇṇal am perum kōṭṭu akappā eṟinta
• {PATI 22-27} poṉ puṉai uḻiñai vel pōr kuṭṭuva
• {PATI 22-28} pōrttu eṟinta paṟaiyāl puṉal ceṟukkunar um
• {PATI 22-29} nīr taru pūcaliṉ ampu aḻikkunar um
• {PATI 22-30} oli talai viḻaviṉ maliyum yāṇar
• {PATI 22-31} nāṭu keḻu taṇ paṇai cīṟiṉai ātaliṉ
• {PATI 22-32} kuṭa ticai māyntu kuṇa mutal tōṉṟi
• {PATI 22-33} pāy iruḷ akaṟṟum payam keḻu paṇpiṉ
• {PATI 22-34} ñāyiṟu kōṭā naṉpakal amayattu
• {PATI 22-35} kavalai veḷ nari kūum muṟai payiṟṟi
• {PATI 22-36} kaḻal kaṇ kūkai kuḻaṟu kural pāṇi
• {PATI 22-37} karum kaṇ pēy makaḷ vaḻaṅkum
• {PATI 22-38} perum pāḻ ākum maṉ aḷiya tām ē